http://scmplayer.net

الاثنين، 6 سبتمبر 2021

يا ريت للشاعر محمد العليمي العليمي

 ياريت

ياريتني كنت معاكم

 لما كان الشوق تالتكم

لما كنتم بتصاحبوا النسيم

 والهدوء  برقته بيحاوطكم

لما كانت العصافير 

بتغنى ليكم فى التراث

لما كان ضوء القمر  بنوره

فارش جناحه على قلوبكم

لما كانت المزارع والغيطان

 والسواقى والجناين طريقكم

لما كان كلامكم كله حب 

وعشق وضحك ساكنكم

لما كل نظره منكم لبعض

 مش بتشوف حد غيركم

لما كنتم تقسموا بالرضا 

والحب كل حاجه ما بينكم

لما ماكنش بينكم زعل ولا

 خصام ولا فراق وهجر

كان نفسي اكون معاكم 

شاهد وطالب وحكيم

كانوا بيحكوا لنا زمان

 فى حواديت الجدود 

ويا العصارى وساعات

 الغروب حدوته عنكم

انكم بقلوبكم وبصفاكم

 ورضاكم والقناعه عشتم

أن الود والموده والمحبه 

والتسامح عقيدتكم و دينكم

ياريتني كنت معاكم

 في الميعاد والاحاسيس

اصوركم وارسم صوركم

 على كل بيت وشارع

 واهدى  صوركم واحاسيسكم

 لكل ولد وبنت وبيت وست

انكم بالحب والاخلاص خلدتم

ليست هناك تعليقات:

إرسال تعليق