ازاى انساك
************
طيب قولى ازاى انساك
واللى تعبنى كتير دا هواك
يامحيرنى كتير وياك
انا من غيرك اعمل ايه
****
قولى كلام وانا امشى عليه
واللى انا مااقدرش اديه
وقلبى وعقلى ازاى ارضيه
شوفت عمايلك فيه يابيه
****
روحت سألت عليك وقالولى
ده بياع والناس وصفولى
وإن حبيتى اوعى تقولى
اصل الحب ده صنفه ايه
****
وإن مريت من جنبى وشوفتك
قلبى قالى ساعتها عرفتك
ياللى كنت فاكرة ملكتك
اتاريك تعلب يابن الايه
****
وبتتلون كده ميت لون
عامل فيها انك مفتون
وانت لاطيب ولاحنون
وانت بتعمل قول كده ليه
****
عومتنى فى بحور وياك
غرقتنى وفى بحر هواك
وانا من لهفتى قال فاكراك
طيب وحنون وابصر ايه
****
اتاريك تعلب مكار ساهى
وياما تحت الساهى دواهى
وبحبك عمال بيتباهى
لاء مش حب اسميه ايه
****
قلت المره دى احب وأصدق
مين مشاعرة كانت الاصدق
انت ولاانا مين اللى هايسبق
طبعا أنا موش انت يابيه
****
وانا من يومها خاصمت الحب
خايفه لارجلى تيجى وتطب
اه ياقلبى وكفايه غلب
قولى اخدت انا منك ايه
****
وجع القلب اللى انا صابنى
وجرى وراك وانت اللى تاعبنى
اه ياوجيعتى يانا ياغلبى
قلبى تعبنى استنى عليه
****************************
* راوية حسن*
ليست هناك تعليقات:
إرسال تعليق