صباحين وحتة
صباحين وحتة..لاجدع كرتة.. لواحد زبون
زبون درجة أولى مش درجة ستة
ورشة جريءة لكل الأحبة..
بنقطة وقزازة وگيس للمخدة
وحتة
صابونة
وزيت البنتة
وكله بأمرة وحسب القانون
فا ناكل ونرعى ونبطل ملاوعة
والدودة اللي هيا ماعادت بترعى
ونقضيها دمعة ف طبخة كانون
ومهمن مايحصل من سيدي الانون
فلا نحن نسأل ولا يحزنون
وكرتونة حلوة ..لاجدع حبايب
تزيد المحبة.. وتدوم المودة
لصنف اللي هاجع
وصنف اللي ناجع
وصنف اللي نايم وحاضن
مخدة
يمارس لوحده
في أم الحاجات
الحاجات اللي شادة
فنزيد في اشتيقنا
لصنف الحريم
ونهيص ف المحبة والاشتياق
ونحبس ببوظةو آيس كريم
صباح المحبة..
صباح لانشراح .. لأمس وبكرة
وبعده المباح
وندحرج سلامنا
ونقصر كلامنا
ونطاهر حمامنا
ونطلق بخورنا
وننعزم ويقرا
روبعين امامنا
ونوهب دعانا
لسيدي انفتاح
عشان الملبس على كام هدمة بالة.. وبدلة حمادة
وباكو اللبان.. على كام حتة جينس تودي المهالك
بتقولي الجمارك
سداحا مداحا.. ياداخل ياخارج
وسكتها سالكة.. عجيبة الجمارك
وأما المعسل
جنابه مكسل
فيشد جنابه
في بايب مغسل
فايعلا مزاجه
لفوق في العلالي
ويحرق في دم
جنابك ياغالي
سلام المحبة
ويسود السلام
بين السبع افندي
وسعادة الإمام
برغم الدنيا واسعة
مضيقها علينا
يافكهي ياعترة ياابن اللذينا
فانعيشها محبة
في غاية انشراح
ونربي في غية
زغاليل الملاح
ونلايمها برضك
وننسى الكفاح
وتعايش مزجنا
ف تعايش مباح
سلاما سلاما
سلاما فظيع
لناصر وأنور وحسني
الشجيع
ومرسي ياعيني
راح ف السريع
ماكنش امامنا
ف نزيد في سلامنا
لكل القطيع
ونطبع في طبعك
علشان يبقى طبعك
موافق لطبع
كوهين الفصيح
وتاخد جنابك شالوم
المريح
سلام للجميع.. مربع سلامنا للناس أجمعين.. صباح المحبةوالانشراح.. على الماضي.. بخيبته على الحاضر.. وشيلته ..
على ابوك وامك
وكل اللي راح.. وعلى أي شيء
ينكد علينا ويسح ف عنينا
و
يزيد ف الجراح..
سلامنا امامنا .. لو انه عنيد.. مطبع مطبع
..بدم الشهيد.. ما هوالكل حاضر سبوع الوليد.. بفجر وجديد.. وحتى جارنا .. شالوم البعيد..وفكرة وندوة تتم بنشيد.. وأمل لسه طارح.. في قلبي مطارح.. وجاي من سفاح..لبكرةاللي جاي ومعاه الكفاح.. وبيغني لينا تملي ينادينا.. ويعلا الأدان ..
حي على الفلاح.. حي على الفلاح.. حي على الفلاح
👍 قربان المصري ٠١٢٢٦٠١٧٩٠١
ليست هناك تعليقات:
إرسال تعليق