🌹🍀الحياة الطبيعية 🍀🌹
لما النحلة تبقى أحلى
وحلاوتها مداريه
ولما الكحله تبقى أحلى
فى العيون العسلية
ولما الطيبة تبقى طبع
جوه الناس العشرية
ولما الرحمه تبقى جايه
من العداله الربانيه
ولما النسمه تبقى هللى
ووراها نسمه جايه
ولما الطفل مرة يبكى
وبعدها الضحكة السخية
ولما الشمس يوماتى تطلع
ونورها يملى الدنيا ديه
ولما القاضى يديك براءه
ويفك اسرك من القضية
ولما تقف جنب جارك
ودى المحبة الإنسانية
ولما تصحى من النوم تلاقى
إن روحك هى هى
ولما تيجى فى يوم تغنى
ع الموسيقى العربية
ولما تسمع شعر منى
والحكاية الرومانسية
ولما تفرح فرحه حلوه
وتخليك فى دنيا تانيه
ولما القمر يطلع ينور
فى ليالى صافيه وهنية
ولما تواسى إنسان حزين
وتخليه يفرح شويه
ولما تعيش عندك كرامة
وتبقى تاجك واجمل هدية
ولما تعمل بنية خالصه
والضمير يصحى شويه
ولما الدنيا تبقى فانية
ووراها قيامة جايه
يبقى اكيد انت الانسان
ودى الحياة الطبيعية
🌹✍منى العشرى
ليست هناك تعليقات:
إرسال تعليق