أنا السكران بلا خمرا
وكاسي بدمعي اهو مليان
يعدي الليل وانا بشكي
لروحي من روحي
بلاقي الاه معنداني
بلاقي دموعي سبقاني
ولا عمري اشتكيت وجعي
ولا قولت اه أنا تعبان
بس الاه دي سكناني
ما بين سطور عمرك
ياجدع انكتب عليك
احزان
ما تشوف الفرح لو ثانيه
ودور عليه ما يبان
أنا السكران وكاسي
دا اللي كان مليان
شربت الخمر مسكرتش
متوهنيش غير الاحزان
افكر فيها ماهي دنيا
بتحدفنا وترمينا
في اي مكان
تفكر فيها رح تتعب
وتلعب معاها اهي بتلعب
ويما غلبت الإنسان
تهت خلاص ف أحوالها
اسايسها واداديها
وغنلها أتوه فيها
تقول بجد صحيح غلبان
طب اعمل ايه انا فيكي
مداديه بداديكي
عملت كل شئ ليكي
اتاري العند ماليكي
وانا السكران .
كلمات واشعار..صلاح الطوخي
ليست هناك تعليقات:
إرسال تعليق