العوده بقلم احمد شاهين
روتين حياتنا ما بين
الشغل والعيشه
ودا يسد الدين
ودا لم تحويشه
ودى عامله جمعيه
تقبضها ف الأول
عشان خطوبة الواد
ودبله وغويشه
روتين حياتنا الملل
مشهد ومتكرر
رايحين جايين م العمل
والعيشه بتمرر
عايشينها والله يا ناس
على أد قوت يومنا
طيور فى حضن الشجر
أعشاش بتتأجر
روتين حياتنا أساسه
عدم الرضا والخوف
والكل ضاع إحساسه
والحجه عنده ظروف
مفيش قناعه بعيشتنا
باصين لناس تانيه
يا خلق الدنيا فانيه
واظن دا معروف
روتين حياتنا إكتمل
بالنت واليوتيوب
ونغيب كتير م العمل
والحال صبح مقلوب
والكل باصص لشاشه
شاف العجب منها
ماتت خلاص البراءه
والكل صار معيوب
روتين حياتنا يزول
بالعوده للإيمان
لما تحس عقول
بقدرة الرحمن
بتدبر القزأن
مش بس ترديده
دا كل شئ له سبب
وكل شئ بأوانً
كلمات. احمد شاهين
ليست هناك تعليقات:
إرسال تعليق