يا قلبها بقلم احمد شاهين
وحشنى هوى الكورنيش
والخطوه يا دوب بشويش
وكلامنا وضحكنا
والإيد تحضن فى الإيد
ويبان القلب سعيد
بشوقنا وهمستا
وليالى ياما سهرانها
وأمانى إتمنيناها
وأغانى حبنا
وحشتنى عيونها يا ناس
دول خمره من غير كاس
تسكر قلبى البرئ
وهواها أجمل إحساس
ومعاها بكون حساس
ويطول بينا الطريق
وحشتنى بكل ما فبها
لو بايعه انا برضه شاريها
من غيرها الكون ولا شئ
دى الذكرى ياما خدتنى
وعينيا تقول وحشتنى
والقلب يروح لها
أيام وسنين بتعدى
مهموم وانا عايش وحدى
وبقول يا قلبها
معقوله تكون نسيتنى
مش قادر اقول دى خانتنى
ولا هعشق بعدها.
كلمات احمد شاهين
ليست هناك تعليقات:
إرسال تعليق