🏡🌹قرية نباليه🌹 🏡
نباليه يابنت إلايه
يابلد الحبايب
عشت فيكى طفولتى
والقلب فيكى دايب
عشت فى بيت جدتى
وكانت أغلى الحبايب
ياما نزلت الترعة
وياما أكلت توت
وجريت ورا السواقى
والراجل أبو نبوت
ولعبت فيكى الأولى
ولعبت الهولاهوب
وشفت الدكان منور
بلمبة الكلوب
دكان خالى صادق
راجل طيب وصادق
وكان دايما آمين
من الناس الطيبين
وشفت الفرن البلدى
وأكلت عيش بلدى
بريحة الوقيد
كنت فرحان وسعيد
وأكلت ع الطبلية
وذاكرت على لمبة جاز
وشربت من الزير مية
وحضرت جدى الباز
قرية نباليه بسيطة
وناسها طيبين
كلهم عيلة واحدة
ع الخير مجتمعين
عشت فيها طفولتى
ويوم ما رجعت بلدى
حنيت للحنين
والناس الطيبين
نباليه يابنت إلايه
يابلد الحبايب
عشت فيكى طفولتى
والقلب فيكى دايب
🌹✍منى العشرى
ليست هناك تعليقات:
إرسال تعليق