.طباع الصيف
الصيف جلنا بحمونيله.... ونهاره حررته تعرقنا
والهرش نفكر تقليله ....وعرقنا منه أتلزقنا
نجرى ع الدوش يرحمنا .....بس لدقائق معدوده
نرجع لصيفنا يحررنا.......وعميله معانا مقصوده
ومراوح تبعت هوى ساخن......شغاله ونخدع نفسينا
أيه يجى ملجو الساخن.......غير ولعه بتلسوع فينا
وبسرعه نركب تكيف ......ياحلوته وجمال أسعاره
نتكيف والجو لطيف.......نسخن من دفع فواتيره
بعد التكيف نخرج شارع.......البرد يقفش فى ضلوعنا
الصيف ف عزابنا واد بارع .....يلعب بمزجنا يقلبنا
ونقول أمتى الصيف يمشى..... دا جو الشتا أحسن منو
الصيف زهقنا مبنمشى......والشتا بطاطينو بيحنو
نتكلفت ندفا منسقعشى......... ونحلم أحلام ورديه
لو نمنا يومنا منزهقشى ........له منا الشتا ألف تحيه
له منا الشتا ألف تحيه
الشاعر/أبوسريع إسماعيل
ليست هناك تعليقات:
إرسال تعليق