عيش ...... الدنيا
*********
عيش تملى الدنيا زى الطير
دا بلاش تملى تبص للغير
توكل على الله تلاقى الخير
أسعى على بركة الله سير
ربك خلقك ورزقك كتير
بالرضا والقناعة تبقا أمير
ليه تعيش للهم تملى رهين
بنور الرضا وشك يبقا وسيم
ما تقولش وخدانا الدنيا لفين
بلاش الدمع يبقا ملو العين
يلعب بيك إبليس اللعين
يحسسك أنك من ربك مظلوم
تعيش العمر كله مهموم
تعامل مع الله بحذر
محدش عليه أبدا مكر
لو كان نهايته بخطر
تملى لنعم الله أفتكر
عيش الدنيا زى الشجر
أتعلم منها رمى الثمر
إللى بيحبه ربه أبتلاه
فكره أبدا ما نساه
إللى بعد عن ربه تاه
أبدأ ما حقق مناه
فى دنياه قبل آخراه
أتعلم من أيوب الصبر
يبقالك نور ف القبر
أياك والغرور والكبر
أخرتك دفن بشبر ف شبر
*******
بقلم
عادل جاد
ليست هناك تعليقات:
إرسال تعليق