هوامش كلام ..!
سواقى .. شراقى .. وصوتك يهاتى
ليلاتى ... يوماتى .. وغزل البنات
فى قمقم حارتنا .. صبايا .. حيارى
برغم الوصاية فى حاجات .. محتاجات
شبابى فى غيابى ملكنى ورافض
يكون لى الوضوح .. من الذكريات
نهرنى وفاتنى .. برغم اللى فات
يا شارى يا بايع فى ملكك ضرورى
تواكب حياتك .لحد الممات ..
وتنسى إنى شوفتك.. فى شوقك .. ولهفك
وكل اللى عدى من الممكنات .
ياإما تعيش اللى أااتى .. تهااتى ..
وتلقى فى أخر كلامك .. سكُات ..
وحلمك .. فى علمك .. غيابك يطول
ضرورى تلاقى الحقيقة فتات ..!
وتبقى فى نهايتك ...حكايتك. هوامش
كلام معطيات .. وصفرك .. جمود
وحالة ركود .. وتصبح علامة
فى إشارة مرور .. كاسيها الضباب !
يا إما تعيش حلم واقع غيابى .. ..
وفاقد معاه الأمل ..والحدود ..!
وتبقى الحقيقة الوحيدة الكئيبة..
من الذكريات ..هوامش كلام ..!
..................... شعر .. حسن السحماوى
ليست هناك تعليقات:
إرسال تعليق