آه ياظلمك
ــــــــــــــــــــــــ
وتنساني وتهجرني
وتقهرني علي بعدك
ومين بعدك يفرحني
ويسعد قلب بيحبك
وتجرحني في غرامي
وليه منك يكون جرحي
مش كفايه آلامي
وحزني وانا جنبك
وحرماني لحنانك
وقربك مني وودك
وانا عاشقك
ونبض قلبي بيحبك
ورغم قسوتك ليا
مانسيت في يوم اسمك
ولا فكرت في بعدك
ولا اتمنيت في
يوم هجرك
مانا عاشقك
رغم إن آلامي
وأحزاني
كانت كلها منك
وتزود جرحي بهجرك
آه ياظلمك
دانا قلبي
اللي عاش عمره يحبك
وكل نبضه من نبضه
تقول اسمك
وصورتك
لسه محفوره جوايا
ولمسة ايدك لسه منايا
وهواك لسه جوايا
وعلي دربك
مرسومه خطايا
وكل شيئ جوايا
والله عاشقك
رغم هجرك
عاشقك
رغم بعدك
رايدك
رغم ظلمك
بحبك
ومستني امل جوايا
برجوعك ليا يتحقق
مانا عاشقك
ـــــــــــــــــــــــــ
شعر/السيد حماد
ليست هناك تعليقات:
إرسال تعليق