( يرضيكم يآاهل الهوي )
وآااه من حبيبي وروحي الف آاااه
وآاه لما القلب يشكي ويقول الأآاه
اشكي واحكي يآقلبي وابكي ماتخبيش
سنين عايش في وهم معاه وما بتشتكيش
يرضيكم يا أهل الهوي اللي بيعمله حبيبي فيا
مخلي حياتي حيره وعذاب ومش داري بيا
وعدني بالأماني والأحلام وعيشه هنيه
وحياتي معاه كلها حب وغرآم وحنيه
واحنا لسه يادوب في اول الطريق
خلاَّ الدنيا بحر غرام ورماني فيه غريق
واشوف بعيني احواله مش عارفه ايه جرالوا
وايه اللي غير بالشكل ده ياتري حالوا
واسألوا مين اللي مني مغيروا
واقرب منه يبعد ويهجر قلبي ويحيروا
ياعيني ع العشره اللي بينا وكانت سنين
وصبحنا عايشين أغراب ومش عايشين
ويشهد عليا ربنا قد ايه كان جميل حبنا
مين غيَّروا يااهل الهوي وقال كلام في حقنا
وليه يحسدونا ومين راح يداوي جرحنا
حسدونا وسابوا جرحنا جوانا كبير
ألم ومرار والقسوه كانت عليا كتير
وآه ياحب آه كنت فاكره ايامك مفيهاش قسيه
لقيت فيها قسوه وظلم اكتر من ظلم الأيام ليا
احتاج لحضن حبيبي واشتاقله والقاه بعيد
واللي وعدني بالأماني صبح ناسي كل المواعيد
وكل اللي قاله زمان كان كلام..ونسيه أوام
ده الوعد عهد ياحبيبي ليه تخليه أوهام
واللي فات من عمرنا ليه نقول عليه ضاع
ونعيش اللي باقي من عمرنا نتألم من الأوجاع
خواطر (أشرف الدغيدي )
حقوق الملكيه محفوظه
ليست هناك تعليقات:
إرسال تعليق