برنامج المسحراتي للشاعر هاني نبيل

 ( برنامج المسحراتي )

الحلقة ١٤.......

في ظل مسجدي ادعي لكل واحد تاب..

ابيض او اسود سلملي ع الأحباب..

خدو من كلامي بضاعة.. يتاجرو فيها الناس..

يا سنين خداعة.. طعمه إيه الإخلاص..

لا تسمح بخلاعة .. أو تسمع لهجاص..

أسمع دبيب الساعة ..طلقات من رصاص..

حتى المسلسل يدبل و البطل محتاس..

أنا عندي اكون كناس.. و لا اشتغل نسناس..

ارقص و اضحك و اطاطي جوه اقفاص..

اصحى يا مؤمن جوه روحك ماس..

ان تخشع لربك فيه احلى من دا خلاص..

اوعى تغرك حياتك و يخونك الإحساس ..

اجعل وردك عباية .. ما تخطيش الخطايا..

خايف يوم الحساب..اقرا وحدي الكتاب..

أنادي..  يا ولادي ..حبو بلادي..

و خلو دا العادي.. تهزمو الإرهاب..

تحت الأدان لما كنت شباب..

قعدت أناجي لما شعري شاب..

يارب أهلي و ناسي.. واقفين على الأبواب...

.....

و رمضاااااان كريييييييم

( امضاء ابو رنيم )