المسحراتي للشاعر هاني نبيل

 ( برنامج المسحراتي )

الحلقة ٢٤.......

الفول ع النار .. ياللي بتقرا الجورنار .. 

استعيذ م النار .. و اطلب صحبة الابرار ..

اوعى الدنيا تاخدكم تاني ..

بعد ما دقتو جمال رمضاني ..

اوعى تنادي عليكم نزوة..

أو تخدعكو تحف و أماني..

مد سحورك .. يخشع نورك..

هات بسبورك الرحماني..

صايم بكرة بكل تفاني..

ليلي بكمل فيه قرآني..

أعمل حاجة لبكرة عشاني..

يوم ما هيشهد لي لساني..

ذكر المولى .. نشر الكلمة..

شكر النعمة ..شعور انساني..

أنوي صيام ..عن كل حرام..

ماهو بالظلم يعم ظلام..

أنا مستني فجر جديد..

على طبلية شموع العيد..

والله يا رمضان ليلتك بيضة..

و انا بتوضا دعيت ف الميضة..

اشفي يارب مريض و مريضة..

قبل ما ترحل يا رمضان..

حبيت أخدك بالأحضان..

فينا نتقابل مرة كمان ..

و انا بتحاسب بالميزان..

تقل ربي عشاني الكفة..

رمضان جالي و انا بتوفى..

و فاضت روحي على القرآن ..

......

و رمضاااااان كريييييييم

( إمضاء ابو رنيم )