مسحراتي للشاعر هاني نبيل

 ( برنامج المسحراتي )

الحلقة ٢٠.......

يا أحباب الرحمن.. فتحو عنيكو  الآن..

العشرة الأخار قربو ..اتسحرو .. و اتحضرو ..

القلب ذكرو ينوره.. و العقل فكرو  يحررو..

و ما تنسوش  تدور ..

على فقير من منظرو ..

باللي ربك يقدره..

صدقة رمضان تطهرو..

للوقت  ده اتشطرو ..

و للمكارم شمرو..

من المواءد كترو..

اسعى لخير و كترو..

حب رسولك وقرو..

دعاء القدر تكررو..

ايه اللي ممكن تخسرو..

لو سيف شيطانك تكسرو..

لازم تآمن بالذي خلق الجمال و صورو..

تكسب ثواب من كل باب..

رب العباد يقدرو..

و كل رزق جاي المولى هو يدبرو..

لا إله إلا الله...الكون بإدنا نعمرو ..

كلنا  بنحب دينا .. مين فينا يقدر ينصرو..