المسحراتي للشاعر هاني نبيل

 ( برنامج المسحراتي )

الحلقة ١٧........

صبحني بالأمنيات.. هون عليه حاجات..

مش عيشه و السلام.. فيها أعيش و أبات.. 

يمكن نلقى الحياه ..بكره من غير آهات..

اتمنى ياريت نتهنى.. باليمن و البركات ..

دقيقة ف صيامك و دقيقة ف قيامك.. سهم الرضا صابك..

ضيفو لألقابك..

رب العباد عانك.. صفاك بأحزانك..

بارك لأحبابك..العفو على بابك..

دي ليالي قدسية .. إملاها أدعية

قصرك و حورية .. و هدايا علوية

مذكورة ف الآيات..يا فرحها بيه..

لبي و قول حاضر..يا رب يا غافر..

ما اعمل لشئ خاطر إلا أنت يا قادر..

يا رب عديها.. الدنيا بعديها..

رؤياك ف الجنة أسمى معانيها..

أوصيكو بوصية.. حبو البلد ديه..

دا الناس سواسيه..و الفرق بالتقوى..

و التقوى بالنية..

........ 

و رمضاااااان كريييييييم

( امضاء ابو رنيم )