سكت ياواد/بقلم الشاعر حسن السحماوي

 سكت يا واد ..

.........

أسكت ياواد ..

والا انت يعنى

عشان خلاص ..!!

أوعى تفكر فى المباح

الأ يجيلك مستباح

بعدين يقولوا

الواد ... شقى  ..

زمن المعانى الحلوة راح

واتبدل الحرف بجراح

مولود على كف الزمن

بينوح ويصرخ م المسا

لحد الصباح .

أحلف يمين .. ان انت حر ..

وأبوك فى أرض الله .. تقى ..

اسكت يا واد ..

خلى الكلام ساكن مكانه

بلاش جراح ..

اسكت بلاش الثرثره ..

وبلاش صراخ ..

أصل الخلاص فى المسأله

خلصت خلاص ..

وأحنا .. هنا .. من كام سنه

والصوت بيزعق فى الخلا ..

طب فين حلول المسأله ..؟

قولى .. أنا ..

كام ليلة عدت بعدها

يطلع صباح .. !!!

اسكت ياواد ...

.................. شعر ..

حسن السحماوى