قصيدة بعنوان /سنة الحياة
ودي سنه الحياة
ومصيرنا فيوم هنفارق
ونمشى و نغير الأتجاه
وتخدنا الدنيا ف مفارق
ونتوه عن طريق مشناه
ونلاقي اللي زمان عشناه
بقى ذكرى ومش فارق
...........
وأيدين بتلاقى ومشتاقة
وايدين بتتفارق و مستائة
وياه على النصيب ياه
لما يخيب هدف حددناه
ونلاقي نفسنا تحت مطارق
الشخص اللي عشقناه
ومشينا وراه وصدقناه
وشفناه عشنا بيحارب
وطلع واقف قصدنا محارب
وبيضرب ضهرنا بمخالب
..............
وتعمل فينا الدنيا مقالب
اللي فوق رأسنا رفعناه
هو اللي بيغرق القارب
وأدى واحد تاني خسرناه
كان ماشي وقلبنا سارق
كام واحد يادنيا خسرناه
ومابعدش والله ما فارق
.........
ماهوش فارق
يموت الحلم اللي حلمناه
وطعم الفرحة يبقي بطعم الأه
ماهوش فارق
بعد العناء وكل التعب
وليالي ف اعياء ونمت العتب
ومجهود أتنسى لغيرنا أنتنسب
مع كل ضوء شمس شارق
هرفع ايديا وهأقول يارب
أنا حقي عندك أنت اللي عالم
رفعت ليك المظالم يا خالق
........ ............
أدي عمر فات وأتحسب
وأحنا ف عذاب سهرناه
وقلنا بكره اللي زرعناه
نلقاه جناين خير طارح
ونوصل بكره بأمبارح
وتخدنا الدنيا ف مسارح
نضحك شويه ف زمن مارق
ونفارق فتوحشنا المطارح
ويتجدد فينا ألم خارق
معقول أزرع جناين ورد
وأهدي القلوب فدادين ود
وأجني أهات وألأقي ضدد
كل اللي زمان أتعد
عشان الغد يكون نجاه
أتاري الحياة ما بتدناش
كل اللي بنتمناه
ليه كله يطلع وهم وغم وهم وأه
ليه يرموا الحب ف محارق
ليه هنا عليهم فبعونا
دا أحنا كنا أمل بارق
ماهوش فارق يا حياة
ماهوش فارق والله ما فارق
وحقي واللي عملته عنده الله
كلمات وأشعار إسماعيل البلبوشى
ليست هناك تعليقات:
إرسال تعليق