دموع.... من.. كلماتى.. عــــــــــــــــــــــــــــادل داود...
حياة لا ريحة ولا طعم ولا لون......................... ولامعانى
وطبع الناس اللى بلا إحساس واجعنى................ وبكانى
ولأمتى يادنيتنا هنفضل كتير نتألم...................... ونعانى
العمر راح. فى عذاب وجراح ومش هيرجع أبدا....... تانى
دموع.. ـــــــــــــــــــــــــــــــــــــــــــــــــــــــــــــــ
والدمع سايل والحظ مايل.. وبحور عذاب وألم..... وجراح
ونقول بُكره بالأمل جاى وشايل لينا.. كتير من...... الأفراح
ويجى ألف بُكره. لاشوفنا نهار ولا شوفنا.نور أى..... صباح
نستنى.العيد والحزن محقون فى الوريد.. وكل شيء. راح
دموع.. ـــــــــــــــــــــــــــــــــــــــــــــــــــــــــــــــ
نمسح دموع تنزل دموع. ولاحد فى الدنيا. حاسس.... بينا
نزرع ورد يطرح شوك.والحزن مدينه.ساجنه.كل. خطاوينا
تايهين فى.بلاد الله مع خلق الله ولا رسينا يوم على. مينا
وبندعى ونقول يارب الخلايق يارازق من همنا........ نجينا
دموع.... ـــــــــــــــــــــــــــــــــــــــــــــــــــــــــــــــ
حاسين بموتنا سنين.تمر علينا وتفوتنا. ولسه.ف... سكوت
خيالنا سارح بين شرق وغرب وسهل وصعب ف. الملكوت
نبكى من غير بكى نتكلم بلا كلام وبنصرخ. بلا....... صوت
ألف آه ياجرحنا العمر راح مننا.الحياه عندنا موت بلا موت
دموع... من كلمات.. عــــــــــــــــــــــــادل داود.....
ليست هناك تعليقات:
إرسال تعليق