من اشوفك
********************
من اشوفك احس....روحي اتفز تجيك
من حلاتك... الله بس دوهنّي بيك
شكثر شايل حِسن انت
يساعدك الله عليك
كمت احس.....
روحي كحل منثور وبليلك يغاتي
بس اهيّسه بطرف عينك
لو تباوعلي امن اجيك
وحسّبت نحلاتنه....يمصّن ورد
ثاري يلتم اعله شفتك
عسل بيك
يلّي زلفك.....
خصله من زلفك لسوّيه
وتر واعله المتن ....
وبكل رهاوه اعزف عليك
يالگطاياتك تفز منهه الظفاير
فدوه اروح الكل شي بيك
يلّي خصرك.......????
شبِر منك
خصرك ومتباهي بيك
يلّي اديك...??????
ليره اديك..
وگمنه بيديك انتمرّه
ومن اديك اتغار صدّگ
حنة اديك
انت....
انت كلّش حلو
من يوصل صفاتك?? ??
ياورد
وك...ياگمر
انت .....
لو شافك حلو....
ميغار منّك يشتهيك
********
د.محمد النعماني// العراق0ظ
ليست هناك تعليقات:
إرسال تعليق