(ماشي سارح)
مش عارف بكره من إمبارح..
في زمن غدار آسي وجارح...
مثل واخرج عيش اراجوز.
(أيوه خايف)
عايش مش عايش مش عارف...
قدامي الصح ومش شايف...
في زماننا الغلط إللي يفوز.
(كله عادي)
الناس عايشه في شر تهادي ...
إللي يرازي واللي يعادي..
واللي تمللي ضارب بوز .
واللي ضاربلي الدنيا طبنجه...
واللي ماشيلي بمطوه وسنجه ...
عامل فيها سفاح كرموز...
لاكن من جواه مهزوز.
واللي رافعلي راسه لفوق...
واللي كلامه شهد وزوق...
واللي مقامه واطي ودون...
بس في إيده فلوس ونفوذ. ...
لكن وسط الناس؟؟ منبوذ.
واللي في عرض الناس يتكلم...
وفي وشك يضحك ويسلم...
والسبحه في إيده بتتألم...
من أفعاله تقول يا حفيظ...
حاجه تجنن حاجه تغيظ...
حاجه تشتت ١٠٠ تركيز...
جوه مصايب الكون مغروز.
واللي الدنيا بتقسي عليه...
ولحد البحر توديه... ولا تسقيه...
حتي الفقر استعلي عليه...
وهو ماليه وعايش فيه...
من أول راسه لرجليه...
كل الهم اتونس بيه...
مسا وصباح مش لاقي غموز ...
وَصْفُه!!! عايزله كام برواز...
بس ياحسره...
البرواز محتاج ل إِزاز...
وخشبتين وزواق قَزَّاز...
بس منين ده بيشرب جاز...
ولي مسيطر علي تفكيره...
إن الدنيا فرص وحظوظ.
عصام السعدني...
ليست هناك تعليقات:
إرسال تعليق