بتكتب شعر من كام يوم
وكام ساعه
بتكتب فرح ولا بواقي
وجااعه
وبتشخص حالات الروح
بسماعه
طبيب نفسي بيعصرني
بلا إشاعه
وبيخرج جميع أحاسيسي
دماعه
بتكتب شعر من كام يوم
وكام ساعه
كتبت ساعات ف حب غريب
بلا طاعه
وعن غيره بلا عنوان
ولا مله
رسمت قصيده بالألوان
فردت سطورها بالرولة
رسمت حبيب مع حبيبه
بيتسامر ويتسلي
بكيت أوقات كتيرجدا
بلا دمعه
بكت عينى وكل الدنيا دى
سامعه
كأني خرجت من كي جي
إلى الجامعه
غريبه مشاعري متضاربه
بلا معني
دخلت الدوري ويا الكأس
كدا في ساعه
لا فاهماني ولا شايفه
ولا حسه
أخدني الشوق لأفراحي
قامت خسه
لقيت من كل أصحابي
كدا الخِسه
يادوب بتدق علي بابي
يا دوب لسه
لقيت الحزن أبقالي
وماسابنيش ولا هسه
#خواطر
عزه السيد
ليست هناك تعليقات:
إرسال تعليق