؛؛ ليه يا زماني؛؛
و آديني مستني السعاده
علي مره تجيني
ضحك زماني
ضحكة شماته قدام عيني
ليه يا زمان شايفني
هين كدا و ضعيف
الصبر هجيب آخره
قلبي مهواش خفيف
من حقي أعيش حياتي
و ادافع عن حلم السنين
مش هقبل أعيش باكي
و لا حد يقدر يكسرلي عين
مش هسمح تسرق ايامي
و يضيع العمر ف آهات
و لا حزنك يوم يملاني
و لا تغير ف قلبي دقات
من حقي اعيش ف سعاده
من غير ألم من غير دموع
بس الدنيا معانده زياده
عايزه تحرمني حقي المشروع
طويله حبال الصبر
قال الزمان
لا هونت يوم علي قلب
و لا ريحت شريد حيران
حلفت اضفر املي للصبر حبال
لو يوم تعبت هغني للفرح موال
لو يوم عاندتني الدنيا هعاند
لو حزني كان تقل جبال
و آديني مستني و صابر
تهل السعاده و الانوار
تديني الفرح نصيبي
تمحي سواد و مرار
هل نور الراحه عليا
و عطر السعاده ليا مال
بكره اعيشها الفرح زياده
اصل القمر يبدأ بهلال
جون جرجس فرح
13/8/2021
ليست هناك تعليقات:
إرسال تعليق