هموم... من كلماتى.. عـــــــــــــــــــــــــــادل داود.....
فى.ليل حالك.أنا ونفسى بنتعارك.ع.اللى فينا واللى جرالنا
وويا الهموم سمانا خالية من النجوم. وصعب قوى.... حالنا
وسكيتنا خالية من بسمتنا كلها شوك.وراح حلمنا... وأمالنا
خطاوينا بتبكى علينا. ودمعناف عنينا. و العذاب....... جالنا
هموم...
وترسملنا دنيتنا هموم..وآلام.. لاتخطر. لنا.. يوم... على بال
ونصبرونصبر. ونقول بكره هتروق وباقى الحال هو الحال
ونشرب كاسات مُر. مع أيام. مابتمر.. عذابها وشقاها جبال
وآه تزلزل كون. وصرخه بألف لون. والبخت بينا......... مال
هموم...
جواناسؤال ليه الدنيا ماشيه شمال.وانا للأسى.ديما.حمال
حملتنى دنيتى حِمل. تقيل لاتشيله سفن ولاتشيله...جمال
اترجاها ترحمنى من عذابها.تقولى شيل.ماانت.ديما. شيال
تعبت يادنيا مش قادر.تقول بقيلك الف سنه ويروق الحال
هموم.....
ومش بإيدينا حاجه والروح محتاجه للفرح.......... والبراح
هنفرح منين وازاى. فى زمن قاسى نساى وكل شيء..راح
تقولى دنيتى متعاقده معاك حصرى على. الحزن. والجراح
مش.عارف.ابكى.ولااضحكلها ولا اجاوبها بصراخ. ولانواح
حالى غنى عن سؤالى. الف سنة ليل ومجاش علينا صباح
كلمات... عـــــــــــــــــــــــــــــــــــــــــــــادل داود....
ليست هناك تعليقات:
إرسال تعليق