ومين فينا يضل على حاله لشاعرة ماجدولين ماهر

 ومين فينا بيفضل على حاله ...

واللى حبك امبارح 

وكنت له شمس فى نهاره

ولا انت اصلا  كده فى باله..

واللى كان ما تحلى لقمته غير بيك...

صام عن أكله.. 

وزهد العيش

المهم ما يلاقيك...

ومين فينا بيفضل على حاله..

يا وجع فى زمن الاه بيحلاله..

لا عاد وطن ..

ولا لمه.. 

ولا أهل..

ولا اخوات.. بتبقاله

ومات خلاص زمن الصحاب..

وبقى البعد عن الناس غنيمة..

واللى كان بلا قيمة..

ومين فينا بيفضل على حاله

حتى الحبايب بعدوا ياجماله..

ومكر الدنيا فى عيون الخلق..

وأصبح كله فى حاله..

يا زمن المسخ فى ايه؟

كله بقى فيه بِداله..

ومين فينا بيفضل على حاله

ماجدولين ماهر