( إحلم وشاور )
خد من غرامي وزيد...
قصايد العشق بيت...
زود براحتك حتي لو كنت اكتفيت...
وإمسح بأستيكة حناني كل حزن...
وارسم بأشواقي لنفسك ألف بيت.
واسكن في أحضاني...
علي راحتك ونام...
وأحلم وشاور...
جوه حلمك في المنام...
تلقي انتفاضه لقلبي...
تهديلك غرام...
وكتير سلام...
يمسح دموعك لو بكيت.
شخبط على...
صفحة همومك وابتسم...
بدل دفاتر الوجع...
خليها ضحكه...
فوق شفايفك تترسم...
طبطب على قلبك...
بحبي إللي ملك...
قلبك وإحساسك...
وروحك يا ملك...
همسك نسايم رحمه...
لما اتأملك...
خلاني في ثواني...
للإحساسك هويت.
وعشقت تفاصيلك...
كده من غير معاد...
من غير ما أحس...
نبض قلبي ليا عاد...
وامتلكني كل حاجه...
حلوه منك من سكات...
ولقيتني طاير في السما...
لما لهواك حبيت.
قبل أما أشوفك...
كنت زاهد أي دنيا...
عايش في صومعتي...
ماليش للحب نيه...
جيت إنت بغرامك ...
دخلت حياتي ثانيه...
شقلبت حالي ...
بس عمري ما اشتكيت...
بقلمي..
عصام السعدني..
ليست هناك تعليقات:
إرسال تعليق