هان الود عليه (بالعامية)
بقلم الشاعرة /حنان فاروق العجمي
قالوا هان الوِد عليه
باع العِشرَة وخان لياليه
كان أخ وحبيب وصديق
خيانتُه رَكباه من راسُه لرجليه
شربنا من نفس البِير ورماني فيه بإدِيه
دنيا وسماكِي غيوم
وبحر الكل فيه بيعوم
ولَقِتنِي لوَحدِي غريق
عايش بجرحي ونسيت فرحي
ليه يا غدر العزيز سوادك حَالِك غَميق
آدت في قلبي النار شَب حريق
ماشي ف طريقي بعافر
وعمري ما كُنت بكابر
لكن أرجع وأقول وفا الروح نادر
صفيح وكله بيصَدِّي
ولا يِسوَى دمع العين
ولا لنفسي هَهِين
والعالي هيفضل عالي
أصله الطيب غالي وثمين
حزني حَرَّض بُوحِي
صرخ وقال بُوحِي
وطبطب على جروحي
صدق من قال القاسي
سهمُه يصيب ويصبح ناسِي
لكنِّك يا كورة دَوَّارة
بِتلِفِّي وبُكرا تعِيدي التارة
شايفة بعنيكي انكشف
والقمر من شَرُّه خَسف
ووقوعُه ليكي أمارة
درس وخُضته بجدارة
ونصر رَبِّي لُه إشارة
بقلم الشاعرة /حنان فاروق العجمي
ليست هناك تعليقات:
إرسال تعليق