مسك الختام لشاعر طارق المملوك

 مسك الختام

****

ايوه لسه ..

ايوه لسه بتكتبينى ..

معنى ساكن ف الكلام  ..

لما كنت اتهجى حرفك ..

واكتب السحر اللى ساكنك ..

كلمة سهلة  .. بدون علام ..

ايوه لسه بترسمينى ..

حلم يسكن جوا عينك ..

ف المنام ..

لما تيجى  و تندهينى ..

عشق ساكن الإبتسام ..

ضحكة لما .. بتضحكيها ..

بتحاوطنى .. وبتلاقيها ..

نبع مليان بإهتمام ..

لمسه تسكن بين ايديكى ..

وف عنيكى ..

همسة الحب اللى باين ..

ف السلام ..

ف ابقى حاسس انى طاير ..

بين سماكى ..

طير حمام ..

شوق يهفهف ..

لما ارفرف بجناحاتى ..

واحضنك جوا درعاتى ..

حلم يكبر .. ع الدوام ..

والقى نورك ... عقد فضى ..

فرح ييجى لحد عندى ..

بدر نورك ..  ف التمام ..

واما بسرح فيكى وافرح ..

وانتى فاهمه ..

بدون ما بشرح ..

يعنى ايه طعم الهيام ..

احلى من شهد الجناين ..

لما فتح فوق جبين زهر المداين ..

عشت حبك ..

لما كنتك .. 

لما صونتك .. الف عام ..

ايوه لسه .. القلب دايب من هواكى ..

ومن هواه ..

عشق غالى .. ومين سواكى .. ومين سواه ..

حب اكبر من جنونى و من ظنونى ..

عدى فوق حد الهيام ..

ده انتى حبك م البداية ..

وانتى حبك ف النهاية ..

وانتى قربك .. منتهاه ..

.. و مسك الختام ..

****

طارق المملوك