.......... شكل الغلابه ...........
شكل الغلابه بيترسم
ويغيروا من شكلهم
والقلب فيهم يتقسم
يشكوا لمين من غلبهم
مدبوح ياقلب الغلبانين
بيتاجروا فينا الملعونين
لابيسألوا عن اصل دين
ولا يرحموا يوم ضعفهم
ياقلب مالك ليه حزين
نشكى لمين ونقول يامين
والدنيا صبحت للوحوش
فيها الغلابه مكممين
اما الديابه
. بان مكرهم
باعوا الشرف علشان فلوس
وبيطحنوا كل النفوس
ولايختشوش ولايرجعوش
عن ظلمهم
لابيعرفوا معنى الحياه
ولايقبلوا لو قولنا لا
وكأنه كون وملوش اله
وان الحياه من صنعهم
ياقلب مالك ليه حزين
نشكى لمين ونقول يامين
والدنيا صبحت للوحوش
فيها الغلابه مكممين
اما الديابه
. بان مكرهم
شكل الغلابه بيترسم
فوق الجدار
لا لهم سند ولا مستند
ولا حتى جار
اما الوحوش لو تبتسم
له الف دار
ويهننوه ويدلعوه
ويلبسوه الفين سوار
وكتير عباد بتضمهم
ياقلب مالك ليه حزين
نشكى لمين وتقول يامين
والدنيا صبحت للوحوش
فيها الغلابه مكممين
اما الديابه
. بان مكرهم
............. احمدعامر ...............
ننوه ان ماينشر حق مسجل بالهيئات المنوطه بذلك 5820/2021 س م ب
ليست هناك تعليقات:
إرسال تعليق