💧روح الحياة💧
على ضفاف النيل
عاشوا الفراعنه سنين
بنوا المعابد والاهرمات
بنوا الحضارة يانيل
بنوا الصوامع والمعالم
بنوا حضارة وادى النيل
ياما كتبوا فيك اشعار
ياما غنوا ليك مواويل
أيام حصاد القمح
كانوا يرقصوا ع النيل
يرسموا سنابل قمح
وينحتوا تماثيل
دلوقت فين ميتك
والفرحة بيك يانيل
وفين ايام فيضانك
والمية ع الشطين
كان الغريب يجيلك
يذوق مية نيلك
يتمنى تانى يجيلك
ما انت نهر النيل
على ضفاف النيل
عاشوا الفراعنه سنين
بنوا المعابد والاهرمات
بنوا الحضارة يانيل
🌹✍منى العشرى
ليست هناك تعليقات:
إرسال تعليق