قصيدة / الساقية .
الشاعر / أحمد الزيني .
ديوان ( شقشقات الفجر ) شعر ٢٠٠٦ .
ماشية الشمس
مابين الشرق وبين الغرب
بصه ع الناس التايهين
بين الجهل وبين اللهو
سهل كتير إنك تتعود تعمل خير
وتعوم ف دموع الست الباكية
ف وقت طلوع الفجر
وتطير ويا العصافير
فوق غيط القمح
وترمي سلام
أحلام
بتموت ف قلوب الواد الحالم بالبنية
تفرح وتطلع زغاليل
مواويل
مخنوقة جوه الناي
والجاي مش لاقي سكة
توصل قرب الشط
واتحط شباك
مش راح تنساك
فتحاسب قدمك كل خطاك
بين الوردة وبين الشوك
مهما يفوتوا عليك ينسوك
بكرة الذكري الحلوة معاك
فكراك الساقية ياواد فكراك
ينبض قلبك تجري تدور
يمكن يجي ف مرة الدور
تملا الكف وتشرب شهد
وشقوق الأرض العطشانة
تضحك وتطلع أوراقها
ليست هناك تعليقات:
إرسال تعليق