ياسارق النوم من عيني
وجاي تقول سرقتيني
مفيش توبه عن ذنبي
غير لما تقول وحشتيني
......
ياسارق الروح بتهمسلي
وبتنادي علي اسمي
وذنب السرقه دي موجود
ومكتوب علي العيون رسمي
.....
وجاي تنصب علي قلبي
الي حبك يوم
تقول وحشاني وسايبني
كدا كام يوم
وهنت عليك تبيع ودي
وتنبت في روحي هموم
......
بسلم علي الوجع بالإيد
وبرسل بالعيون مواعيد
ومهما هقول كلام أو اعيد
هتفضل انت جوايا
.....
وجوا الروح رسايل بوح
وراحه لقلبك المجروح
توصل صوت حنين مبحوح
ياوحشني كدا كفايه
......
تجيني الفرحه من كلمه
واسرح لما اشوف طيفك
واسال لما كنت.... بعيد
بتسال عني واجيلك
وبسال علي الحنين جواك
واتمنا اكون نيلك
و سهراية قناديلك
عزه السيد
ليست هناك تعليقات:
إرسال تعليق