( قدري ونصيبي )
قابلته وكان قدري ونصيبي وقسمتي
حبيته الحب كله وابتدت معاه قصتي
بس يخساره حبه خلا ضعفي يِمَوِّتّْ قوتي
نسيت الدنيا وبيعت الكل علشانه
وقولت كفايه احبه وأحس بغرامه
ظلمت كتير.زمان لما جوني واشتروني
ودي الوقتي بترجاهم يعذروني ويسامحوني
مش بإيدي غصب عني لما حبه مني خدني
وانكتب عليا اسهر الليل واعاني الويل من بدري
كنت ابص في عيونه القاهم بحر مليان حكايات
وابتدت حكايتي معاه غصب عني من غير حسابات
نصيبي هو اللي خلاني ابيع الدنيا واشتريه
واتحدي العالم كله وانسي اهل الملامه فيه
ومن غير كلام بينا قالتله عيني كل الكلام
وازاي اوصفله احساسي بيه من غير ملام
واللي بيني وبينه يادوب نظره وسلام
لقيت فيه احلامي اللي شوفتها في خيالي
حبيته وصبح هو حبيبي وكل إحساسي
وغصب عني اخترته يبقي كل اهلي وناسي
عشقته بجنون وصبح فرحه ماخطرت علي بالي
كنت عايش من غير احساس وجاني غيرلي حالي
بحبه اه بحبه وعشقته آه عشقته وسهرت عشانه الليالي
ورغم عذابي عمري ماراح أندم علي حبه لما جاني
ومهما ظلمني ماراح يهون عليا يوم ظلمه
ومهما قِسي عليا هفضل برضوا احبه
الحب كله
ويلوموا فيا مهما يلوموا هتحمل مهما كان اللوم
كله يهون عليا عشان عمري ماتصورته يغدر بيا يوم
طاب ليه بيخوفوني وليل ونهار بيحسدوني عليه
وايه ذنب قلبي لما حبه معقوله يخليه لعبه في ايديه
وروحي اللي ساكنه روحه معقوله يظلمها وهيا دايبه فيه
حبيبي لو فكرت يوم تظلمني رجعلي قلبي زي ماكان
ومعاه روحي بنفس الطيبه ويعوض عليا الزمان
خواطر (أشرف الدغيدي )
حقوق الملكية محفوظة
ليست هناك تعليقات:
إرسال تعليق