الحلقة ٢٣ من حلقات المسحراتي٢٠٢١
********
رمضان يامتسرسبة ايامك
بتعدّي ومش حاسين........
صحّي ياربي عبادك
وابدأ بالغفلانين........
ساعاته بتجري ولياليه
وقلوبنا ولا مشغوله بيه
ولا روحنا وجرينا اليه
اصحوا يلا..... يانايمين
اصحو دا الاجر كبير
بلاش ننام الأيام دي
وبتتضاعف اضعاف كتير
عايز افيدك وبكل ودّي
على طول ناجي الإله
وابكى واشكيله من الآه
هو القادر جلّ علاه
وافهم بقى هدف الصيام
خليك حاسس بالغلبان
اوعاك تنسى مع الأيام
جارك لما يكون تعبان
ساعد دايما وابقى كريم
عيش الدنيا بقلب رحيم
يرضي عنك ربّ عليم
اولادك وانت والخلّان
اصحى يلّا ياعب رحمان
صحّي معاك الست اشجان
اصحى وفوق خليك انسان
اصحي يانايم وحّد الدايم
وحّد الرزاق وكريم رمضان
******
بقلمي /رمضان عبدالله أحمد
ليست هناك تعليقات:
إرسال تعليق