مولود شهيد
بقلم / منى شريف
لسة خطواتك قليله
بس رابض على الصعود
ومن صغرك شايل الشيله
قلبك رابض على الصمود
بكرة توصل اعلى درجة
فكرك رافض للحدود
جوة بلدك فرد فرد
شاهد على ميلادك دا فرض
وان مكنش لك فى بلدك ارض
فين هايكونلك وجود
اتولدت وعارف انك
لجل ما تحقق فى حلمك
لازم تحرر في ارضك
وبيتك مش برات ها الحدود
اليوم بتخطو برجليك
بكرة هادوس على الزناد
بعده هايقولوا دا شهيد
حلف ما يعيشي جبان
شهيد اتولد ويمكن يخلف شهيد
ولما حيله يتسند
يلقي جنبه ميت شهيد
ليه العروبة تضحي بيك
همه مش شايفين دموع عينيك
والا قلوبهم صكرت
وقفلت عليك الحدود
#منى شريف
ليست هناك تعليقات:
إرسال تعليق