( وابتدت قصة حبنا )
..........................................
بصلي بعيونه الحلوين وعدي
وبخطوته قصادي لقيته هدي
شغلني بجماله وسحره ودلاله
واللي اتمناه قلبي قولت أهو جاله
وانكتب عليا من أول نظره حبه
وكل اللي اتمنيته من الدنيا هو قربه
ولقيت جوايا احساس جميل وغريب
إن هو ده هيبقالي الحبيب والنصيب
جريت عليه كلمته وكلمني
وبابتسامه جميله لقيته قابلني
وسلمت عليه بعيني قبل ايديه
وملكني هواه اللي شوفته في عنيه
وراحت بيني وبينه كل المسافات
اللي حسيت بيها اول ماعليا فات
ولقيت قلبه بلهفه بيحضن قلبي
خدته علي طول في حضني وما قدرتش أخبي
وخدنا الكلام اقوله كلمه يقوللي كلمتين
كلام ما اعرفشي جابه وجيبته منين
وبسرعه عدت معاه الساعات
وانشغلت بيه وانشغل بيا
واتعاهدنا اكون ليه ويكون ليا
ولقيت نفسي مش قادر علي الفراق
وكإننا بقالنا سنين حبايب وعشاق
وكل واحد مننا مش عايز يروح لداره
واتغير حالي واتغير هو كمان حاله
وابتدت قصة حبنا من نظره وابتسامه
وانكتب علينا الهنا اللي استنيته انا وهو ياما
واتعلق قلبي بيه مش قادر ابعد عنه
وازاي نحب ونعشق وتعذبنا اشواقنا
وبقينا الليل كله سهاري وانشغل بالنا
ولما بان علينا هوانا بوحنا بيه لكل القرايب
وصبح حبنا قصه حب جميله تحكيها الحبايب
.......................................
خواطر ( أشرف الدغيدي )
حقوق النشر والطبع محفوظه
ليست هناك تعليقات:
إرسال تعليق