#جرينا_روحنا
العقال جه يوم و زارنا
بالخداع و مسك ايدينا
ع الخراب و ف لحظة خدنا
طير النوم من عنينا
من زمان و الغل ساكنه
هو ليه الفضل لينا
العلوم و الفن و احنا
و الحضارة طبع فينا
ليه وليه رغم اللي عنده
الجمال ساكن وادينا
و احنا ليه و ف لحظة فارقه
ليه رضينا نكون له تابع
هو يؤمر و احنا حاضر
ليه وافقنا نبقى سابع
من زمان و رايتنا عالية
و العقال ف الخلف قابع
روحنا ليه و ركعنا ليهم
و احنا عارفين هم ايه
اللي فيهم هو هو
شئ ما يتوصوش عليه
إجبرونا نبوس ايديهم
هم سيد و احنا العبيد
طبعوا... كان بس قولنا
هو دا الرأي السديد
ف النهاية انفضو عنا
و الكلاب نبحت و هاجت
اللي قلنا ف يوم دا منا
انكشف.... أكاذيبه راجت
ف اليمن و هناك ف ليبيا
من طيبتنا جرينا روحنا
ليلنا طال لما اتحبسنا
مين بقى يطلق سراحنا
يا العقال يا رجل حافية
ربنا قادر يهدك
بكره تيجي تقول غيتوني
لما تغرق وسط حقدك
#فهمي_علي
ليست هناك تعليقات:
إرسال تعليق