( خلي عيونك تبعد عني )
خلي عيونك تبعد عني وترحم قلبي
ياتسبيني لحالي وما تشغلي بالي
علي طول سرقاني وخاطفه عقلي
سحراني ومخلياني انسان تاني
تعدي وترمي نظره يادوب في ثواني
وافضل الليل كله مش عارف ايه جرالي
سهران افكر لحد ما عقلي تاه مني
مين انا مااعرفشي وليه انتي شغلاني
ياتري هيا نظرة حب ولا قصدك تشعللي ناري
مين يطمني عن احساسك ويرحم حالي
واستناكي يوماتي واقول أسألك يمكن ارتاح
والقاكي تعدي وترمي نظره والآقي عقلي وراح
وبعد كام نظره لقيت قلبي في هواكي داب
واتمنيت نعيش سوي انا وانتي احباب
يااهل الهوي قولولي اعمل إيه
وايه هو اللي انا عايش فيه
وايه دوايا بعد ماحبيتها وانشغل البال
اتغير حالي والفكر جاني وسرقني الخيال
مش عارف قلبها حس بيا وعنيها شيفاني
ولاّ انا موهوم وهفضل مهموم واعاني
اشواقي بتناديني وطيفها تملي بيناجيني
واتعودت عليها مهما كان عذابي وانيني
وصبحت ثواني البعد عنها سنين وسنين
وكل ثانيه بتعدي عليا بيزيد جوايا الحنين
وليلاتي اشكي لخيالي وأقول إمتي تجيني
وإمتي راح اتهني بالحب اللي شوفته في عنيها وكوآني
واعيش في حُضنها اللي باقي من سنيني وايامي
وصبح القرب منها هو كل الآحلآم والأمآني
خواطر ( أشرف الدغيدي )
حقوق الملكية محفوظة
ليست هناك تعليقات:
إرسال تعليق