نار بتشوي
لحم المشاعر اتحرق
أتشوهت كل الحروف
متبله بوجع الليالي
وملحها دمع العيون
عزموا العوازل يفرحوا
على قلب مدبوح من سنين
اتمتعوا بطعم الوليمه
غنوا عدوده قصتي
ف المسارح واليدان
يجري ريق العطشانين
وال شايل جوا منه
حقد متعبي ف سنين
ودي فاتورة الحساب
عايزيني ادفع التمن
وال فاضلي يدوب يومين
متعبيين هم والم
كأني مضروب بالقلم
محشور بصرخه م الزمن
عمري ما يوم رميت بذور
علشان تنبتلي الوجع
معرفش مين كان السبب
الدنيا ليه صبحت فراغ
وكأني مخلوق من عدم
وجزوري ليه صابها العفن
مع اني كنت ف يوم أصيل
وبرضوا هتدفع التمن
بقلمي
عبد الحميد عبد الرحيم
ليست هناك تعليقات:
إرسال تعليق