حكايتك إيه
قلي ايه حكايتك معــايه
كل يـــوم عـــامل حكايه
هـــو ده حبـــك لقلبــــي
م البـــدايـــه للنـــهايــــه
------:------:------
هــــو ده خــوفك عليـــا
تسقنـــي من نار قســيـه
ليــه يا حب العمـــر كـله
ابقــى ويـــاك الضحيـــه
------:------:------
ياللي كنت معاك ظلمنـى
في القساوه وبتقسمنــى
ليه ما حستش بحنانـــي
لما قـولت يا حتـه منـــي
------:------:------
كنت إيـــه بالنسبـــه ليـا
كنت حاجه مش عـاديـه
كنت اقـولك يا حـبيبــي
دنيتــي وأكثـــر شـويــه
------:------:------
قلــي راح فيــن الحـنـان
لمـــا كنت معـــاك زمــان
ولا ميكنش انت ناســـي
اللــي داب قلبـــه وكــان
------:------:------
الحكــايـــه انــك مليـش
م البدايه عشــان تعيـش
قولت أواسي قلبه حَــبَّه
حتى قلبـــه ما ينسانيش
------:------:------
دنيـا دنيـــة المصــالــــح
حب فيـها معدتش فالـح
كلــه عـــايش بالأونطــه
وسكـــــره ديمــاً موالـح
------:------:------
عيشـها زي ما انت عايـز
كل في الدنيا دي جــايـز
بس اقــــولك لــــو تحب
بجد تبقى انت اللي فـايز
------:------:------
أمـــا لـــو هتـدور عليــــا
تبقى بطــــل التمثيليــــه
مش هينفـع يومـها قلبـك
أى دوا فــي الصيـــدليــه
------:------:------
من ديوان
رومانسيات حزينـه
بقلم الشاعر محمود فوده
ليست هناك تعليقات:
إرسال تعليق