صباح الخير ...
........
صباح نادى .. صباح بنور
على أهلى .. على احبابي
على اصحابى ..
على كل اللى فى الوادي
علينا يطل ..
صباح الفل
.........
صباح السنبلة والعود
وارض بتطرح العنقود
عشان بكره علينا تجود
وخيرنا يهل
صباح الفل
.......
صباح الشط وسفينة
ومركب حبنا .. مينا
وشايله معاها .. أمانينا
و خير سارح .. بيهدينا
يساعى الكل
صباح الفل
.........
صباح الشمس دفيانه
قلوب الكل عمرانه
بتقوى الله .. يراضينا
ضمير صاحى .. يراعينا
يخاف ع الكل
صباح
الفل ...
............. شعر ..
حسن السحماوى
ليست هناك تعليقات:
إرسال تعليق