**** وصية أب ****
-----------------------
أبويا قاللى وهو بيسقيني الرجوله
م الطفوله
القوه مش هى البطوله
البطوله تبقا عارف إيه هى الرجوله
والرجوله مش كلام ولّا كلمه بدون علام
قالي يابنى الدنيا صعبه اسمع الناس القدام
الرجوله مش نَفّش ريش
مبتتلِقيش ولا تتشِريش
الرجوله تكَفّى بيتك
وعلى مراتك متفتريش
دايما احترم الكبير
م تخليش رَغّيَك كتير
حافظ على سِرَك ف بير
وسر اللي أأتمنك عليه
إوعى تنسى فرض ربك
واوعى تأسى لحد حبك
ولّا تسيب لحد حقك
والمريض اسأل عليه
ساعد دايماً الضعيف
لو كنت ضيف خليك خفيف
مش بالهزار هتكون ظريف
وقلبك خلي الخير ماليه
يابنى لما ترووح أيامى
افتكر دايما كلامى
وابنك ابقى اسقيه علامي
وقول له د اتربيت عليه*عاطف صلاح *
