(( مكسور ))
سكنتكم
في القلب
ومعدش فيه مطارح
وكلامي
كان ديماً صريح
وكلامكم بقىٰ جارح
سكاكين
بتقطع فيا
ودبابيس سمها
في الجسم سارح
مستني مني ايه
يَلّي ظالمني
بضحك
ودموعي بتجري
علىٰ الخدود
غصب عني
بحب كل الناس
والناس غاويه
تتعبلي قلبي
مكسور
وكسرتي
سببها
ناس أندال
وحكايتي
تتحكي
علىٰ الربابه
في الموالد
بكام موال
ودي اخرت
اللي يعامل الناس
بطيب خاطر
ويكفينا وإياكم
ذلة السؤال
الفيلســــوف العاشــــق
حســـــن هاشــــــم
11 يونيه 2021
قصيدة من وحي الخيال
ليست هناك تعليقات:
إرسال تعليق