مكسور الجناح بقلم احمد شاهين
أنا طير ومكسور الجناح
وإزاى أطير فوق البراح
عايش أنا ع الذكريات
وبفتكر كل اللى راح
صياد وشايفك بس لحم
بالبندقية إصطاد ألوف
يشويك وجمرك هو فحم
وكل يوم عمال يطوف
وتزيد جراح فوق الجراح
أنا طير ومكسور الجناح
كسرلى جناحى ونسانى
وسابنى فى بحر أحزانى
لا منه أخذنى لوليمة
ولا هقدر أطير تانى
ومش باين لليلى صباح
أنا طير ومكسور الجناح
ودنيا الطير دى. دنيانا
لا فيها خيانه لأمانه
ولا نعرف نكون بوشوش
براءة الطبع جوانا
وعايشين الحياه بسماح
انا
طير
ومكسور
الجناح
كلمات احمد شاهين
ليست هناك تعليقات:
إرسال تعليق