/////////+++سيد جمايع+++/////////
ماكان شاري ماكان بايع
وا كان بويا سيد جمايع
كانت اهوايتو اصيادة
قناص شهدو به بزيادة
بندوقيتو وعلى كثافو
وسلوقيه معاه مرافقو موالفو
حياح قدامو عارف طريق
اهنا وهناك ديما و رفيق
يمشي مايخلي لينا وصايا
ملي يرجع يقول هنايا
اتوحشنا صوت قرطاسو
وصحابو للي راحو وناسو
من رمى معروف لرضيتو به
رامي من جاه بالخاطر يديه
لحجل لرنب شلى غير زيد
دم بارد لا ماكان عنيد
كانت صيادة غرامو وهواه
عشقو الصافي كنزو ودواه
ماكان شاري ماكان بايع
وا كان بويا سيد جمايع
مازال ندكرو ايامو
مازال ساري فينا كلامو
ياربي بالرحمة غطيه
رحمتك مولاي راها تكفيه
ارحم من مات يارب لعباد
ف الجنة مقامو وكل لجداد
بقلم صقر الحروف الزجال المحجوب بوسبولة
ليست هناك تعليقات:
إرسال تعليق