فرحى فين...كلماتى..عــــــــــــــادل داود.
فرحى فين يادنيا ليه منى............. سرقاه
عمال عنى بيبعد وعمال أجرى.......... وراه
تعبتينى يادنيا وتعبت من قول........ آااااه
تاهت بيا خطاويه.والعقل منى............ تاه
وان كُنت شاكى مش هشكى لغير....... الله
فرحى فين.ـــــــــــــــــــــــــــــــــــــــــــــــــــ
استنيت سنه سنتين سنين وبرضه.. مجاش
ليل وويل مدوقانى عايزه ايه تانى الحياه مشوفتهاش
صبر واصبرت. سفر وسافرت. لكن الفرحه القدر مكتبهاش
ياترى طيبتى هيه مصيبتى.ولا الدنيا حظوظ وحظى.ف الإنعاش
فرحى فين..ـــــــــــــــــــــــــــــــــــــــــــــــــ
طب كفايه عليه كدا خدت نصيبى من العذاب
وداع..وخداع..وغدر وهجر..وخذلان وفراق أحباب
انا لو هكتب أحزانى..هيتكتب فى مجلد أو مليون كتاب
والعجيب والأعجب من العجب كل ده من غير أسباب
فين فرحى..ـــــــــــــــــــــــــــــــــــــــــــــــــ
عارفه يادنيا لو حسيتى بوجعى.ماكنتى يوم.. دبحتينى
ولو يوم مشيتى على شوكى. ماكنتى يوم خذلتينى
وهنعمل. إيه.ف حظ مال نروحله يمين يجبنا شمال.وبيه بتحيرينى
حتى عيزانى مصرخش.لو جربتى اللى أنا فيه كنتى عذرتينى
الف آه وآه يادنيا.نفسى يوم أفرح ولحياة الفرح.يوم تسيبينى
حتى لما بحاول أفرح ألقاكى بالمرصاد لأحزانى تانى ترجعينى
صابر يادنيا.وراضى.رغم الألم.ورغم قسوة أيامى وجرح سنينى..
كلماتى..عـــــــــــــــــــــــــادل داود...
ليست هناك تعليقات:
إرسال تعليق