( أيوه صحيح حبيتك )
ايوه صحيح حبيتك أيوه صحيح كتير بهواك
بس لسه قلبي غصب عني مهواش واثق في هواك
عارف باحس بإيه ياحبيبي لما بكون وياك
باحس الدنيا ملك ايدي وحلاوتها هيا رضاك
ياللي هواك مني خدني ومقدرش لحظه انساك
مش عايز منك غير حبك وقلبي يتهني بودك
وتحرم عليا الفرحه والسعاده والهنا في بعدك
لو غيبت عني ثواني الاقي في بُعدك عذابي
مقدرش اعيش بعد ماملكت قلبي وسيبته وحداني
ولو يوم خاصمني قلبك وما قدرتش أشوفك وأقابلك
توحشني والشوق يكويني واحوالي كلها تتغير.
واحس بحاجات كتيره وعقلي يعيش من غيرك متحير
متأكد من حبي ليك لكن من صدق قلبك مش متأكد
وواثق في مشاعري ليك وشايفك في هواك لسه متردد
خواطر (أشرف الدغيدي )
حقوق الملكية محفوظة
ليست هناك تعليقات:
إرسال تعليق