كذب المنجمون ولو صدقوا
العرافه (قصيده مهمه)
-------------
ياعرافه
شووفيلي بختي
سمعت إنك إنتي
فى الودع شاطره
مع إن الغايب
مالوش نايب
ويعلمه رب القدره
*
ووشوشي ودعك
وأنا موش مانعك
وريني كذبتك الكبرى
(قااااااالت يابني)
(حاول تصدقني)
شوفان بختك مغامره
*
إللي حبيتها
وعارف بيتها
بالأماره هيه سمره
وجميله
وطويله
وإبتسامتها حاضره
(مشغوله بحد)
(وخايفه من الرد)
منك ومن الأسره
إفسخ الخطوبه
الجواز مش سبوبه
ولا مظاهره
*
(شككتني بنت إيه)!!!!
أسمع كلامها ولا أرميه
ولا أحدفها بحجره
(ماتصدقوش دجاله)
يا رجاله
دول شياطين
والشياطين مكانهم بره
----------
الخال عصمت البيلي
ليست هناك تعليقات:
إرسال تعليق