جربتى
................
جربتى تطبطبى عليا
لما اكون أنا مضايق
جربتى تحيلى فيا
وطتخلى مزاجى رايق
جربتى تقابلينى بأبتسامة
وتقولي حمدالله ع السلامة
اللهفة تكون ليكى علامة
وتنسى العتاب والملامة
جربتى
جربتى لما أكون تعبان
واخد على خاطرى وزعلان
جربتى تخففى عن همى
ولحضنك تضمينى بحنان
جربتى تقولى كلام يسعدني
لهدوئى معاك تانى يعيدنى
وعن العتاب واللوم يبعدنى
جربتى
جربتى تسهرى ليل العشاق
فرحة اللقا ولوعة الفراق
غياب الحبيب ولوم الليمين
وجع الحنين ولهفة إلاشتياق
جربتى تعيشى لحظة إنتظار
تتزاحم عليكى وتوه الأفكار
مش عارفه تخدى قرار
و تقولى يا حبيبى بعد نار
جربتى
جربتى أنا وأنتى عاشقين
ندوب غرام وإحنا متلهفين
يخدنا الشوق بجناحه يطير
بلهفة بعد غياب ساعتين
بشوقى أبعت طيفى لخيالك
يسأل عن قلبى إللى جالك
ف عينى صورتك وشاغل بالك
تبان حيرتك تلاقينى أوبالك
جربتى
....
بقلم.الشاعر
الأمير _محمود
ليست هناك تعليقات:
إرسال تعليق